སུད་སིའི་ས་གནས་མདོ་སྨད་རྒྱུན་ལས་དབུ་བརྙེས་ནས་ལོ་༣༠འཁོར་པའི་མཛད་སྒོའི་གསལ་བསྒྲགས།

སུད་སིའི་ས་གནས་མདོ་སྨད་རྒྱུན་ལས་ཁང་འདི་སྤྱི་ལོ་༡༩༨༦ ལོའི་ཟླ་༥ ཚེས་༢༣ ཉིན་དབུ་བརྙེས། ཐོག་མར་སྒྲིག་འཛུགས་འདི་ཉིད་གསར་འཛུགས་གནང་མཁན་གྱི་གྲས་སུ་རི་ཀོང་ཆོས་འཁོར་དགོན་གྱི་མཁན་རིན་པོ་ཆེ་ཞིང་གཤེགས་དགེ་འདུན་བཟང་པོ་མཆོག་དང་།གཅོད་པ་ཐར་རིན་ཆེན། གདོང་རྩེ་བསོད་ནམས་རབ་བརྟན་པ། བསོད་ནམས་རབ་རྒྱས།

  ཕྱོགས་དགེ་རྟ་མགྲིན། རིག་བདག་ཚང་ཡི་དམ་བཅས་ཡོད། སྤྱི་ལོ་༡༩༩༣ ལོའི་ ཟླ་༤ ཚེས༢༩ ཉིན་མདོ་སྨད་སྒྲིག་འཛུགས་ཀྱི་ཚོགས་ཆེན་ཐེངས་བརྒྱད་པ་ཚོགས་རྗེས་ཚོགས་པའི་ངོ་བོའི་ཐོག་སུད་སི་གཞུང་གི་ཁྲིམས་ལུགས་ལྟར་ཐོ་འགོད་ཀྱང་བྱས།

སུད་སི་མདོ་སྨད་རྒྱུན་ལས་ཁང་འདི་ཉིད་འཛུགས་དགོས་པའི་དམིགས་ཡུལ་ནི། གོང་ས་སྐྱབས་མགོན་རིན་པོ་ཆེ་མཆོག་དང་དབུས་བོད་མིའི་སྒྲིག་འཛུགས་ཀྱི་རླབས་ཆེན་དབུ་ཁྲིད་འོག་དབུས་མདོ་སྨད་ཆོལ་ཁའི་བཀའ་ཁྱབ་བཞིན་སུད་སིར་གནས་བཞུགས་མདོ་སྨད་པ་ཡོངས་ཀྱིས་བོད་མིའི་ལས་འགན་ལེན་ཐུབ་དང་ཕྱོགས་ཡོངས་ནས་འཐུས་ཚང་ཡོང་ཆེད་ཤུགས་བསྣོན་བྱ་རྒྱུ་དང་། སུད་སིར་གནས་བཞུགས་མདོ་སྨད་པ་ཚོས་བོད་ཀྱི་རིག་གཞུང་སྤྱི་དང་། ལྷག་པར་ཏུ་མདོ་སྨད་ཡུལ་ལུང་ཁག་གི་སྲོལ་རྒྱུན་རིག་གནས་ཉར་ཚགས་བྱེད་ཆེད་འབད་བརྩོན་ལྷོད་མེད་གནང་རྒྱུ་མ་ཟད། བོད་ནས་སུད་སིར་གཉེན་འཕྲད་དུ་ཕེབས་པའི་མདོ་སྨད་པ་རྣམས་ལ་བཙན་བྱོལ་སྤྱི་ཚོགས་ཀྱི་གནས་སྟངས་དང་། གོང་ས་མཆོག་གི་མཛད་འཕྲིན། དབུས་བོད་མིའི་སྒྲིག་འཛུགས་ཀྱི་མཛད་རྗེས་ངོ་སྤྲོད་བྱ་རྒྱུ་བཅས་ཡིན།

སུད་སི་མདོ་སྨད་མི་མང་གསེར་གྱི་གཟེངས་རྟགས་ཐེངས་གཉིས་པ་དེ་མཁས་དབང་ཟམ་གདོང་རིན་པོ་ཆེ་མཆོག་ལ་ཕུལ་བ།

 དེ་རིང་ཕྱི་ཚེས་༡༦ཉིན་གྱི་ཕྱི་དྲོར་ཆོལ་གསུམ་མི་མང་གིས་མང་མོས་འོས་བསྡུ་བྱས་ཏེ་མདོ་སྨད་མི་མང་གསེར་གྱི་གཟེངས་རྟགས་དེ་མཁས་དབང་ཟམ་གདོང་རིན་པོ་ཆེ་མཆོག་ལ་ཕུལ་བ། གོང་ཚེས་ཉིན་གྱི་ཕྱི་དྲོར་རི་ཁོན་ཚོགས་ཁང་དུ་སུད་སི་མདོ་སྨད་མི་མང་གི་གོ་སྒྲིག་འོག་མདོ་སྨད་མི་མང་གསེར་གྱི་གཟེངས་རྟགས་ཕུལ་བའི་མཛད་སྒོ་ཟབ་རྒྱས་ཤིག་འཚོགས་ཤིང་། མཛད་སྒོར་རི་ཁོན་མཁན་རིན་པོ་ཆེ་གཙོས་པའི་དགེ་འདུན་རྣམ་པ་དང་ཡོ་རོབ་སྤྱི་ཟུར་གཙོས་པའི་ཆོལ་གསུམ་བོད་མི་མང་པོ་མཉམ་འཛོམས་གནང་སོང་།

སུད་སིའི་ས་གནས་མདོ་སྨད་སྐབས་དགུ་པའི་ཚོགས་ཆེན་དང་རྒྱུན་ལས་གསར་འདེམས།

སྤྱི་ལོ་༢༠༡༦ལོའི་ཟླ༥པའི་ཚེས་༡༤ནས་༡༦བར་ཉིན་གསུམ་རིང་སུད་སིའི་ས་གནས་མདོ་སྨད་མི་མང་བརྒྱ་མ་ཟིན་ཙམ་ས་གནས་༼ལ་འཛོམས་ནས་དབྱར་སྐྱིད་དང་ཚོགས་ཆེན།རྒྱུན་ལས་གསར་འདེམས་སོགས་ཀྱི་ལས་དོན་མང་པོ་ཞིག་ལྷན་དུ་གནང་སོང་། སྐབས་དེེེའི་ཚོགས་ཆེན་སྐབས་རྒྱུན་ལས་རྙིང་པ་རྣམས་ཀྱིས་འདས་པའི་ལོ་གསུམ་རིང་གི་ལས་འགུལ་ལ་མཇུག་བསྡོམས་དང་རྩིས་སྤྲོད་རྩིས་ལེན།

བོད་དོན་ཞུ་གཏུག་གི་ལས་འགུལ་ཐེངས༥༣་པ།

ཕྱི་ལོ་༢༠༡༦ཟླ་༠༥ཚེས་༡༡ཉིན་ཁྱིམ་ཚང་དྲུག་གི་རྒྱལ་ཚོགས་སུ་བོད་དོན་ཞུ་གཏུག་གི་ལས་འགུལ་ཐེངས་༥༣པ་སུད་སི་ཇི་ནེ་ཝ་རྒྱལ་ཚོགས་ཀྱི་མདུན་ཐང་དུ་ཆར་བ་ཤིག་ཤིག་ཁྲོད་སླར་ཡང་སྤེལ་ཡོད་འདུག  ལས་འགུལ་བ་རྣམས་ཀྱིས་ནམ་རྒྱུན་ལྟར་ཟླ་གཅིག་ནང་བོད་དོན་ཞུ་གཏུག་གི་ལས་འགུལ་ཐེངས་རེར་སྤེལ་བཞིན་པ་ལྟར། ཉིན་འདིར་ཡང་སུད་སི་ཇི་ནི་ཝར་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་ལས་ཁུངས་མདུན་དུ་

ཡོ་རོབ་བོད་ཀྱི་དགེ་ལས་ལྷན་ཚོགས་སྐབས་གསུམ་པ་དེ་གཟི་བརྗིད་ངང་ཚོགས་ཡོད་པ།

ཡོ་རོབ་བོད་ཀྱི་དགེ་ལས་ལྷན་ཚོགས་སྐབས་གསུམ་པ་དེ། སྤྱི་ལོ་2015ལོའི་ཟླ་10བའི་ཚེས་3ཉིན་གྱི་དུས་ཚོད་ ༡༤་སྟེང་ཚོགས་འདུ་གཙོ་སྐྱོང་བས་ཚོགས་བཅར་འཚམས་འདྲི་དང་ལས་རིམ་སྙན་སྒྲོན་ཞུ་བ་དང་ཧྥ་རན་སིའི་བོད་རིགས་ཚོགས་པའི་སློབ་གྲྭའི་སློབ་ཕྲུག་ཚོས་བོད་རྒྱལ་ཁབ་ཆེན་པའི་རྒྱལ་གླུ་དང་བཅས་ཚོགས་འདུ་དབུ་འཛུགས་གནང་ཡོད་འདུག ཐེངས་འདིའི་ཚོགས་འདུ་དེར་ཧྥ་རན་སིར་བཅའ་སྡོད་བོད་ཀྱི་སྐུ་ཚབ་དོན་གཅོད་འབྲེལ་མཐུད་པ་སྐུ་ངོ་ཚེ་རིང་དོན་འགྲུབ་མཆོག་དང་།