སུད་སི་ས་གནས་མདོ་སྨད་མི་མང་གི་ལོ་འཁོར་ཚོགས་ཆེན་གྱི་ཉིན་དང་པོར་སྐྱབས་རྗེ་ཀིརྟི་རིན་པོ་ཆེ་མཆོག་དང་ཨ་མ་རྗེ་བཙུན་པདྨ་གཉིས་གདན་ཞུས་ཐོག མི་མང་ལ་ཁོང་རྣམ་པ་གཉིས་ཀྱིས་བོད་ཀྱི་བདེ་སྡུག་དང་གོང་ས་མཆོག་ཐུག་ཕམ་དུ་མི་འཇུག་པ།གཞོན་སྐྱེས་གསོ་སྐྱོང་དང་བོད་མི་ཞིག་ཡིན་པའི་ཆ་ནས་འགན་འཁྱེར་དགོས་པ། ༸གོང་ས་མཆོག་གི་བཀའ་གསུང་ཇི་བསྒྲུབ་ཞུ་དགོས་པ་དང་ཆིག་སྒྲིལ་གྱི་ཟོང་ཁ་དམ་དགོས་པ། ཁོང་གིས་བསྐྱངས་པའི་བོད་གཞུང་ངམ་སྒྲིག་འཛུགས་འདིའི་གལ་ཆེའི་རང་བཞིན་སོགས་ལམ་སྟོན་ཟབ་ཅིང་རྒྱས་པ་གནང་།སྐབས་དེར་མདོ་སྨད་པའི་རྒན་རབས་པ་རྣམས་ཀྱང་སྐུ་མགྲོན་དུ་གདན་ཞུ་བྱས།

ཉིན་གཉིས་པ་ཚོགས་ཆེན་སྐབས་ཐག་གཅོད་བྱུང་བའི་དོན་ཚན་ཁག་ཅིག

1མ་འོངས་་གཟེངས་རྟགས་ཀྱི་བཟོ་དབྱིབས་གཅིག་རང་ལ་གཏན་འཁེལ་རྒྱུ།    

   

2 གཟེངས་རྟགས་འདིའི་མིང་ལ་སུད་སི་མདོ་སྨད་གསེར་གྱི་གཟེངས་རྟགས་ཞེས་རང་སོར་འཇོག་རྒྱུ།

3 གསེར་གྱི་གཟེངས་རྟགས་འབུལ་ཡུལ་མདོ་སྨད་མི་མང་རང་གིས་གདམ་རྒྱུ།

4 གསེར་གྱི་རིན་གོང་ཇི་ལྟར་ཡང་ལྗིད་ཚད་གཅིག་གྱུར་དགོས་པ།

5 སུད་སི་ས་གནས་མདོ་སྨད་མི་མང་གི་རྒྱུན་ལས་གསར་འདེམས།

6 མ་འོངས་ལས་དོན་ཚགས་ཚུད་སླད་རྒྱུན་ལས་གཉིས་མང་དུ་བཏང་སྟེ་ཁྱོན་བསྡོམས་རྒྱུན་ལས་བདུན་གསར་དུ་བདམས་ཞིང་རྒྱུན་ལས་གསར་རྙིང་གཉིས་ཀྱིས་རྩིས་སྤྲོད་རྩིས་ལེན་ཡང་བྱས།


7 ཚོགས་གཙོ་ར་རྫ་ཚང་སྨོན་ལམ་དང་རྡོ་རྗེ་ཚང་བསྟན་འཛིན་ཆོས་དབང་གཉིས་ས་རྒྱུན་ཚོགས་གཙོ་གཞོན་དུ་བདམས་ཐོན་བྱུང་འདུག།